Archive for the ‘ကိုယ်တိုင်ရေး ကဗျာ’ Category
ဆေးလိပ်မီးခိုးထဲ ပျော်ဝင်သွားတဲ့ အသံ
Sunday, November 29th, 2009
အာရုံကို အနားပေးဖို့ လိုအပ်ကာမှ
ခင်ဗျားက အာရုံကို လာနှောင့်ယှက်တယ်
ဓနိဘောင်ဒုတ်လို ဘဝမျိုး
ဘယ်သူက “စက်” လာတပ်ပေးမလဲ
ဘယ်သူက “ပဲ့” လာဆင်ပေးမလဲ။
သူလည်း ပင်လယ်ကို အိပ်မက်ခွင့်တော့ ရှိသင့်ရဲ့ မဟုတ်လား။
Popularity: 81%
လ္ဘက်ရည်ဆိုင်ရဲ့  ညဦး
Wednesday, October 14th, 2009
အဖန်တရာ လုပ်စားထားသော
ခေတ်ပေါ် သီချင်းသစ်နဲ့ ကြိုနေတယ်
နေ့စား ကာယအလုပ်သမား ရပ်ကွက်ရဲ့
အပန်းဖြေ နားခိုရာ ကမ်းခြေ
တစ်ခါတစ်ရံက လွဲလို့
မျက်နှာဖုံးအတုတွေ မရောင်းဘူး
မဝယ်ဘူး
တန်ရာတန်ရာ ရမ္မက်အတွက်
Popularity: 37%
အတ္တကို အသံထွက်ဖတ်ကြည့်ခြင်း
Saturday, July 25th, 2009
တစ်ချို့ က လမ်းမတွေပေါ်မှာ
တစ်ချို့ က အဲယားကွန်းခန်းထဲမှာ
တစ်ချို့ က ကွန်ပျူတာဖန်သားပြင်ပေါ်မှာ
လားရာတစ်ခုကို ကိုယ်စီရှာဖွေလို့
မိုက်တွင်းတူးတဲ့ ဂေါ်ပြားသံတွေလည်း
ဆူလို့ ညံလို့ ။
အမှန်တရားဆိုတာ
ကိုယ့်အတွေးအခေါ်ထဲမှာရှိသတဲ့
ငါ့အမှန်တရားကိုရော ဘယ်နားသွားထားရမလဲ
ဖြစ်ရပ်တိုင်းမှာ
ငါ့အသိဥာဏ်တွေ အမြဲနောက်ကျခဲ့ ။
ပေတံတစ်ချောင်းရဲ့ အောက်မှာ
လူဖြစ်ရတာချင်း အတူတူ
အလင်းရောင်ဟာ
ကိုယ့်အတွက်မှ နည်းလွန်းသတဲ့လား ။
တစ်ချို့ တွေရဲ့ ကိုယ်ရည်သွေးတီးလုံးသံတွေ ကြားရတိုင်း
ကိုယ့်အသံတွေ ပိုလို့တိုးတိုးသွားခဲ့ပေါ့ ။
လိုချင်တာက
အောင်မြင်ကျော်ကြားတဲ့ နာမည်တစ်ခုလား
အေးစုမွန်ရဲ့ အနမ်းလား
တိုက်ခန်း၊ ဟန်းဖုန်း၊ ကား၊ နိုဘယ်ဆု၊ မြစ်တစ်စင်း၊ ငါးမျှားချိတ်တစ်ခု
တစ်လျှောက်လုံး မှုန်ဝါးခဲ့ ။
နှုတ်မဆက်ပဲ ရောက်လာတဲ့လောကဓာမ်တွေကို
ဒီအတိုင်း ငေးကြည့်နေရုံပါ ။
ခင်ဗျား ကျွန်တော့်ကို မသိဘူး
ခင်ဗျား လူတော်တစ်ယောက်ပဲ
ကျွန်တော်က အပေါစားအောင်မြင်မှုကိုတောင် မရှာဖွေနိုင်တဲ့
အညံ့စား ကောင်တစ်ယောက်ပါ ။
ကဗျာဆရာ ပိုင်စိုးဝေရဲ့  စကားနဲ့ပြောရရင်
ဘ၀မှာ
“ ချရေးလို့ မရတဲ့ ၀ါကျတိုင်းဟာ
အဆိုးဝါးဆုံး ကျိန်စာတွေပဲ” ပေါ့ ။
စိတ်ကို အာသာဖြေဖို့တောင်
စကားလုံးတွေက မိုးလိုခေါင်နေလိုက်တာများ ။
Popularity: 16%
အသံများ
Friday, May 22nd, 2009
အသံတွေ…အသံတွေ
ခင်ဗျားတို့ ကြားကြရဲ့ လား
ကိုယ့်မူရင်း ကိုယ်မိတ္တူပွားရင်း
နေ့ခင်းတစ်ခု ပီသကြောင်းပြဖို့
ကန္တာရကို လိုက်ရှာနေစရာမလိုတော့
အရိပ်က သမိုင်းစာအုပ်ထဲတိုးဝင်နေ
ခင်ဗျား စွန့်ပစ်ရမယ့်စာရင်းမှာ
ခင်ဗျားနာမည်ပါတယ်ဆိုတာ
မေ့ထားလိုက်
ကိုယ့်နာမည် ကိုယ်ကြော်ငြာနေတဲ့
hip hop သီချင်းတွေတောင်
လမ်းပေါ်လျှံကျခဲ့ပြီ
လိုအပ်ရင် ကောက်ယူလိုက်
ယာယီအနမ်းနဲ့ ချွေးသိပ်တဲ့ညနေကျော်ရင်
အသစ်စစ်စစ် ညဟာ
လရောင်ကို ငြိမ်းသတ်ပြီး
အမှောင်ထဲ ချွေးတရွှဲရွှဲ ကနေလိမ့်မယ်
ဝံပုလွေရဲ့ သွားတွေ
မီးတောက်မျက်လုံးများ
ငါတို့ နောက်ကျောမှာ
ကဲ အချိန်ရှိတုန်းလေး
စိန်ပြေးတမ်း ကစားရအောင်လား
နေ့တဓူဝ ကိစ္စတွေ
သူ့အတိုင်း စီးဆင်းနေပါစေ
ကောင်မလေးရေ
ငါတို့သဘောထားကွဲလွဲခဲ့တာ
မဆန်းပါဘူးကွယ်
ကောင်းကင်ကြီးကတောင်မှ
အရောင်မျိုးစုံနဲ့
တို့ကိုလှည့်စားခဲ့သေးတာ။
Popularity: 13%
ယနေ့ ရနိုင်သောစားသောက်ဖွယ်ရာများ
Friday, April 24th, 2009
၁။ ရသကိုးပါးလွတ်ကဗျာ
၂။ အပျော်ဖတ်စာရေးဆရာများ
၃။ ပုံသေရိုက်စက်နဲ့ ထုတ်လုပ်ထားသော Hip Hopသီချင်း
၎။ သုံးသောင်းတန် ရှိုးပွဲလက်မှတ်
၅။ စတိုးဆိုင်ထဲက ကော်ပတ်ရုပ်ရဲ့ အပြုံး
၆။ ပေါက်ဈေးကြည့်ရင်ခုန်တတ်သော အချစ်စစ်များ
၇။ လူတန်းစားမရွေးစားသုံးနိုင်သော ဟာသများ
၈။ လင့်ခရူဆာစီးလာသော တောကြောင်များ
၉။ ပိုက်ဆံအိတ်ခါးထိုးထားသော ခိုများ
၁၀။ ခေတ်စားနေသော အတွင်းခံဘောင်းဘီကြွားဝါမှုဖက်ရှင်
၁၁။ လူကိုကြော်ငြာနေသော ကုန်ပစ္စည်းများ
၁၂။ သေမင်းနဲ့ ပိုတူလာသောဆရာဝန်
၁၃။ ကျည်အပြည့်နဲ့ ကျီးလန့် စာစားနေရသော သေနတ်တစ်လက်
၁၄။ ပိုးမွှားကြောက်တတ်သော MPT မှလူကလေး……..စသည် စသည်ဖြင့်
လိုအပ်သည်များကို မှာယူသုံးဆောင်နိုင်ပါသည်
စားသုံးသူနှင့်စားသောက်ကုန်
အသုံးပြုသူနှင့် အသုံးပြုခံ
ရောပြွမ်းနေသော ယနေ့ တွင်
သင်သည်လည်း တံဆိပ်တုတပ်ထားသော
ကုန်ပစ္စည်းတစ်ခုမျှသာ။
Popularity: 16%
ချစ်သူနာမည်
Wednesday, April 22nd, 2009
ကိုယ့်ခါးသက်သက်ဒိုင်ယာရီမှာ
ကိုယ့်ရှေ့တည့်တည့်က ပစ္စလက်ခတ်မြင်ကွင်းတွေပေါ်မှာ
အလုပ်မရှိ ယိမ်းထိုးနေတဲ့ သစ်ရွက်တွေပေါ်မှာ
မင်းနာမည်ကိုယ်ရေးတယ်
ဟိုး အဝေးက ကုန်းကုန်းကွကွ သက်တံတွေပေါ်မှာ
ကတ္တရာလမ်းမပေါ်က ချွေးတလုံးလုံး တံလျှပ်တွေပေါ်မှာ
အကြော်သည်ဗန်းထဲက စာကလေးတွေရဲ့ တောင်ပံပေါ်မှာ
မင်းနာမည်ကို ကိုယ်ရေးတယ်
အိမ်ခြေရာခြေ မရှိတဲ့ တိမ်သားတွေပေါ်မှာ
ခေါင်ချင်တိုင်းခေါင်နေတဲ့ ကန္တာရ မိုးစက်တွေပေါ်မှာ
မင်းနာမည်ကို ကိုယ်ရေးတယ်
ငါ့ရဲ့ မရှိမဖြစ် လက်ဘက်ရည်ခွက်ပေါ်မှာ
ငါ့ကို နေ့တိုင်းခေါ်ဆောင်နေတဲ့ အဆိပ်ငွေ့တွေပေါ်မှာ
ဖျားနာနေတဲ့ သူရူးတစ်ယောက်ရဲ့ ဗလာအိပ်ရာထက်မှာ
မင်းနာမည် ကိုယ်ရေးတယ်
ကိုယ့်တိတ်ဆိတ်မှုရဲ့ တံခါးဝမှာ
ကိုယ့်ဒေါသတွေရဲ့ သိမ်ငယ်မှုမှာ
ကိုယ့်အထီးကျန်မှုရဲ့ လေဟာနယ်မှာ
မင်းနာမည်ကို ကိုယ်ရေးတယ်
ရမ္မက်မီးတို့ အဝေးဆုံးတောက်လောင်မှုမှာ
စိတ်ကြမ်းဘီလူးတို့ အိပ်စက်အနားယူချိန်မှာ
ကြည့်သူမဲ့ သက်ငြိမ်ပန်းချီကားချပ်တွေပေါ်မှာ
မင်းနာမည်ကို ကိုယ်ရေးတယ်
အဝေးက မှုန်ပြပြ တောင်တန်း၊ ကွင်းပြင်၊ ပင်လယ်အားလုံးပေါ်မှာ
အမှတ်သညာမဲ့ မျှော်လင့်ခြင်း ကမ်းပါးစွန်းမှာ
အမြင့်ဆုံး စကားလုံးတွေရဲ့ မှော်စွမ်းအားပြင်ပမှာ
မင်းနာမည်ကို ကိုယ်ရေးတယ်
ချစ်သူရယ်
တကယ်တော့ ငါဟာ
မင်းနာမည်ရေးဖို့သက်သက်နဲ့
ထွက်သက်ကို အရေးတကြီး ဆွဲငင်ထားသူပါ
ဒီရာသီထဲ အပြုံးတစ်စက်လောက်
ခြွေချခဲ့ရင်တောင်
ငါ့သံသရာအတွက် လုံလောက်ပါရဲ့ကွယ်။
(ကြာတော့ကြာပါပြီ ရေးထားတာ ကျွန်တော်ရဲ့ တစ်ခြားဘလော့ကနေ ပြန်ယူပြီးတင်လိုက်တယ်)
Popularity: 17%
ဇာတ်ဝင်တေး
Sunday, April 12th, 2009
တိမ်တွေက ရွာတော့မလိုနဲ့
လေမြူဆွယ်ရာ
ကောက်ကောက်ပါသွား
ကံကြမ္မာလမ်းလွှဲမှာ
မိုးမျှော်သူ
ပက်ကြားအက်လေးခမျှာ
သက်ပြင်းတရှိုက်ရှိုက်နဲ့
အသည်းငယ်လွန်းတဲ့
သစ်ရွက်လေး တွေကတော့
နာကျည်းစိတ်နဲ့
ခြောက်ထဲ ခုန်ချကုန်ပြီ
ငှက်ကလေးတွေမှာသာ
ဝမ်းနည်းပက်လက်
အသိုက်အမြုံကိုစွန့်ခွာခဲ့ရ
ဟင်းလင်းပြင်ကြီးလည်း
သောကတွေကို ကြပ်ထုပ်ထိုးရင်း
ဝေဒနာသက်သာလိုငြား
မီးတောက်တွေကိုပဲ ခပ်သောက်နေတယ်
ဒီလိုရာသီမျိုးမှာ
ဘယ်နီရိုးဘုရင်မှ
တယောထိုးမနေနိုင်ဘူး
ယုံကြည်ရာ ရွက်လွင့်တဲ့
ပင်လယ်တွေ
ကမ်းဝေးနေဆဲ
သူဖုန်းစားတစ်ယောက်သာ
ခပ်တည်တည်နဲ့
နေမင်းကို
အိပ်ထဲ ကောက်ထည့်သွားတယ် ။
Popularity: 14%
လမ်းကလေး
Sunday, April 12th, 2009
အလိုတူသည်ဖြစ်စေ မတူသည်ဖြစ်စေ
မိုးရွာတိုင်းရေချိုးရလွန်းလို့
အဆုတ်က ခဏခဏအအေးပတ်တယ်
နေပူရင်ကျောကော့အောင်
အငွေ့ပျံ ကျွမ်းလောင်ရ
နတ်ဘုရားတွေ့ရဲ့ အမေ့လျော့ခံရင်မြေပေါ်
အမှိုက်မျိုးစုံ ၀ိုင်းဝန်းပစ်ချကြ
နှလုံးသားကို ချိုင့်ခွက်စေတဲ့
အရောင်အသွေးစုံခြေသံများ
အဲဒီခြေသံကိုပဲ
ဆောင်းဦးတေးသံလိုချိုမြရင်း
ကိုယ်ခံအားနည်းလွန်းတဲ့လမ်းခလေးခမျာ
တစ်ခါတစ်ခါ ‘၀ဋ်ရှိသရွေ့ပေ့ါ’လို့ပြောတယ်
လူခြေတိတ်ချိန်စောင့်ပြီး
ကြယ်တွေနဲ့ စကားပြောမယ်ကြံခါမှ
သူ့ကောင်းကင်မှာ
ကြယ်တစ်လုံးတောင်လင်းဖော်မရဘူး။
Popularity: 13%
လရောင်
Sunday, April 12th, 2009
အဖြူရောင် မှော်ဝင်မီးခိုးလက်ချောင်းတွေ
ညကို ညနှင့် ထိုင်မျှားနေတဲ့ ည ပေါ်အုပ်မိုး
အင်းဆက်တစ်ကောင်ရဲ့ မီးကျွမ်းအသည်းကို ဆွဲထုတ်
နို့နစ်ရေနှင့် ပြန်သခဲ့
သောကတိမ်ခိုးတို့ စစ်ရှုံးတဲ့ညက
ကမ္ဘာမြေကို ပန်းမိုးတစ်ရှိုက်နှစ်ရှိက် ရွာခဲ့တယ်။
Popularity: 13%
(၂၁)ရာစုအင်းဆက်များ
Sunday, April 12th, 2009
ဘယ်နှစ်ပေရှည်မှန်းမသိတဲ့ဘ၀မှာ
ငါတို့ ရတာက
အနာတစ်ခြားဆေးတစ်ခြား
ဒီလို…အတိတ်မေ့ဝေဒနာသည်ဖြစ်ခဲ့
ဆက်ရန်တွေကိုဆက်ခဲ့
မက်ရန်တွေကိုမက်ခဲ့
အလင်းအားချို့ တဲ့သောနေရာများ၌
အ၀ိဇ္ဖာတွေပိုလို့ လင်းခဲ့
မထူးဆန်းသောအဖျက်အပျက်များ
အရေးကြီးသော အရေးမကြီးမှုများ
အရေးမကြီးသော သံဝေဂများ
ရောထွေးပစ်ခဲ့
မင်းလဲမင်း
ငါလဲငါ
သူလဲသူ
ကိုယ်လုပ်တာ ကိုယ်ထင်ကြ
မေးခွန်းကို အမောတကောလိုက်ရှာနေတဲ့
အဖြေများစွာ
အသစ် အသစ်သောအမည်နာမများ နောက်သို့ 
လိုက်ရင်းဝေးနေတဲ့ခြေလှမ်းများ။
Popularity: 12%