Archive for August, 2009
အမှန်တရားများစွာ
Thursday, August 13th, 2009
(အတွေးအမြင်၊ ဂျူလိုင်၊ ၂၀၀၉) ထဲက ဆရာလား ဆရာမလားတော့ မသိပါဘူး၊ (တီတီထွန်း) ရဲ့ “ဘာကို သိရမလဲ” ဆိုတဲ့ ဆောင်းပါးထဲက ကောက်နုတ်ချက်လေးပါ။ ဟိုး အရင်က ကျွန်တော် ကြိုက်နှစ်သက်ခဲ့ ဖူးတဲ့ အတွေးအခေါ်မျိုး ဖြစ်တယ်လို့ ၀န်ခံချင်ပါတယ်။ ဒါပေမဲ့ အဲဒီတုန်းက ကျွန်တော် မတွေးမိခဲ့တဲ့ မေးခွန်းတစ်ခု နောက်ပိုင်းမှာ ပါလာတာနဲ့ ခင်ဗျားတို့ကိုလည်း ဖတ်ကြည့်စေချင်လို့ ။
မေး။ အမှန်တရားဆိုတာဘာလဲ။ အမှားတရား ဆိုတာရောရှိလား။
ဖြေ။ လူမှာ အလှရှိသလို နွားတို့ ဒိုင်းတို့မှာလည်း အလှဆိုတာရှိတယ်။ ဒီအရာတွေဟာ တစ်ခုနဲ့တစ်ခု သဘာဝချင်း မတူကြပေမယ့် သူတို့မှာ“လှခြင်း” ဆိုတဲ့ အရည်အသွေးက တူနေကြပြန်တယ်။ ဒီလိုတူတဲ့ အရည်အသွေးကို “အလှတရား” လို့ ခေါ်ရမယ်။ ကျွန်တော့် အတွက်လည်း မှန်တယ်။ ခင်ဗျား အတွက်လည်းမှန်တယ်။ မတစ်ထောင်သားတိုင်း အတွက်လည်း မှန်တယ်။ ဘယ်သူ့ အတွက်ပဲဖြစ်ဖြစ် ဘယ်အခြေအနေမျိုးမှာပဲ ဖြစ်ဖြစ် အမြဲအမှန်ကို အမှန်တရားလို့ ခေါ်ကြတာ။
မေး။ ဒါပေမယ့် လူတို့ နွားတို့ ဆိုတာက တကယ်ရှိတယ်။ ဥပမာ လက်နဲ့ ကိုင်ကြည်လို့ ရတယ်။ အလှတရား အမှန်တရား ဆိုတာတွေကို လက်နဲ့ ကိုင်ကြည့်လို့ မရနိုင်ဘူးလေ။ ဒါဆိုရင် ဒီအရာတွေက တကယ်ရောရှိလို့လား။
ဖြေ။ ၁နဲ့၂ ပေါင်းရင် ၃ရတာကိုသိလား။
မေး။ သိပါတယ်။
ဖြေ။ ဘယ်လို သိတာလဲ။
မေး။ ငယ်ငယ်တုန်းက ကျောင်းမှာ သင်ရလို့။
ဖြေ။ ဆရာမက ၁နဲ့၂ပေါင်းရင် ၃ ရတယ်လို့ဆိုတော့၊ အဲဒီ ကိန်းဂဏန်းတွေကို ဘယ်မှာ တွေ့နိုင်သလဲ လို့ ဆရာမကို မမေးကြည့်ဘူးလား။
မေး။ အဲသလို မေးရကောင်းမှန်းတောင် မသိခဲ့ပါဘူး။
ဖြေ။ ဒါခင်ဗျားရဲ့ အပြစ် မဟုတ်ပါဘူး။ မမေးကြည့်တာက ကိုယ့်ကိုယ်ကိုယ် သိတယ်လို့ ထင်နေမိလိုပေါ့။ ၁ က ပန်းသီး တစ်လုံးဖြစ်နိုင်တယ်။ လိမ္မော်သီး တစ်လုံးလည်း ဖြစ်နိုင်တယ်။ နံပါတ်၁ က သူ့ ဘာသာသူ မရပ်တည်ဘူး။ ဒါပေမယ့်၁ ဆိုတာ အရာတစ်ခုရဲ့ အရည်အသွေး တစ်ခုဖြစ်တယ်။ ဒီအရည်အသွေးတွေမှာလည်း စိတ်ဝင်စားစရာ သဘောတွေရှိတယ်။ အခုကပြောသလို ပန်သီးတစ်လုံးနဲ့ နောက်ထပ်ပန်သီးနှစ်လုံးကို တောင်းတစ်ခုထဲ စုထည့်လိုက်ရင် တောင်းထဲမှာ ပန်းသီးသုံးလုံး ဖြစ်သွားမှာပေါ့။
မေး။ လူတိုင်းတစ်ချိန်မှာ သေကြမြဲဆိုတာတော့ ဟုတ်ပါပြီ မသေခင်ဘယ်လိုနေသင့်သလဲ ဆိုတဲ့မေးခွန်ကိုရော ဘယ်လို ဖြေမှာလဲ။ လူကောင်းတစ်ယောက် အဖြစ်နဲ့နေမယ်ဆိုရင် လူကောင်းဆိုတာ ဘာလဲ။
ဖြေ။ ဒီမေးခွန်းရဲ့ အဖြေကို ရှာဖွေတဲ့အခါမှာ လူတိုင်းအခြေအနေတိုင်းမှာ လိုက်နာသင့်တဲ့ ခိုင်မာတဲ့ အမှန်တရား တစ်ခုကို တွေ့နိုင်ပါ့မလား ဆိုတာက အရေးကြီတဲ့ ကိစ္စတစ်ခုဇြစ်တယ်။ ဒါကိုသိရရင် လူကောင်းဖြစ်နိုင်ဖို့ တစ်ဆင့် ပိုနီးစပ်လာတာပေါ့။
ဆော့ခရေတီး(စ်)တို့ ခေတ်တုန်းက အေသင်မြို့မှာ ရေပန်းစားတဲ့ အယူအဆ တစ်ခုရှိတယ်။ ဒဿနဆရာအချုိ့က လောကမှာ ရာသက်ပန်တည်မြဲတဲ့ အမှန်တရားဆိုတာမရှိ လို့ပြောကြတယ်။ ဆိုလိုတာက အမှန်တရားဆိုတာ လူ၊ အခြေအနေ အချိန်ကိုလိုက်ပြီး ပြောင်းတယ် အမြဲပုံသေမရှိပါလို့ သူတို့က ယူဆကြတယ်။ ခင်ဗျားလည်း ခင်ဗျားနည်းနဲ့ ခင်ဗျားလူကောင်း ဖြစ်အောင်နေ။ ကျုပ်လည်း ကျုပ်နည်းနဲ့ကျုပ် လူကောင်းဇြစ်အောင် နေမှာပေ့ါ။ ခင်ဗျားနည်းအရ ခင်ဗျားမှန်မှာပဲ။ ကျုပ်နည်းအရ ကျုပ်မှန်တာပေါ့။ အားလုံးအတွက် အကြွင်းမဲ့မှန်တဲ့ အမှန်တရားဆိုတာ လိုက်ရှာစရာ အကြောင်းမရှိပါလို့ ဒဿနဆရာအချို့က ဆိုကြတယ်။
မေး။ ဘာလို့ အဲဒီလို ယူဆကြတာလဲ။
ဖြေ။ ဥပမာ ဒီဇင်ဘာ မနက်ခင်းတစ်ခုမှာ လူနှစ်ယောက် လမ်းမှာ တွေ့ကြတယ် ဆိုပါတော့၊ “လေကလည်း အေးလိုက်တာ” လို့ အအေးမိတဲ့ လူကဆိုမယ်။ နောက်တစ်ယောက်က မြို့ကို သုံးပတ် ပတ်ပြီး ပြန်လာသူမို့ လေက သိပ်မအေးပါဘူးလို့ ဆိုရင် တစ်ယောက်နဲ့ တစ်ယောက် အမြင်ချင်း မတူပေမယ့် နှစ်ယောက်စလုံး ကိုယ့်နည်းကိုယ်ဟန်နဲ့ မှန်ကြတယ်လို့ ဆိုရမယ်ပေါ့။
မေး။ ဟုတ်သလိုလိုပဲ၊ “လေကအေးတယ်” လို့ ခံစားရသူကို “လေက မအေးပါဘူး” လို့ ပြောရခက်မယ်။
ဖြေ။ ဒဿနဆရာကြီးတစ်ယောက်က ဒီအယူအဆကို မိမိရရ ဖော်ပြခဲ့တယ်။ သူ့အဆိုက “လူဟာ အရာရာရဲ့ စံပါပဲ” တဲ့။
မေး။ ဘာကိုပြောချင်တာလဲ၊ ဒီစကားကို ဘယ်လို နားလည်နိုင်မလဲ။
ဖြေ။ မှန်တယ် မှားတယ်ဆိုတာက လူနဲ့ပဲ ဆိုင်တယ်။ အခြား ဘာနဲ့မှ မဆိုင်ဘူး။ နတ်ဘုရားတွေနဲ့ မဆိုင်ဘူး။ ကြယ်တာရာတွေနဲ့လည်း မဆိုင်ဘူး။ လူက မှန်တယ်လို့ ယူဆတဲ့ အရာက မှန်ပြီး မှားတယ်လို့ ယူဆတဲ့ အရာက မှားတယ်။ အမှန် အမှား ဆိုတာက လူနဲ့ လူ့အခြေအနေတွေနဲ့ ပတ်သက်ပြီး ရှိလာတာ၊ သူ့ဘာသာသူ မရှိနိုင်ဘူး။ လူတွေလိုပဲ အမှန်တရားဟာလည်း အခြေအနေ၊ အချိန်အခါကို လိုက်ပြီး ပြောင်းလဲနေတာ၊ ခင်ဗျားအတွက် မှန်တဲ့အရာက အခြားသူတွေအတွက် မှန်ချင်မှ မှန်မယ်။ အခြားသူတွေ အတွက် မှန်တဲ့ အရာကလည်း ခင်ဗျား အတွက် မှန်ချင်မှ မှန်မယ်။ ဒီနေ့ မှန်တဲ့အရာက မနက်ဖြန် မှန်ချင်မှ မှန်မယ်။ အမှန်တရားမှာ ရာသက်ပန် တည်မြဲတဲ့ သဘောမရှိဘူး။ လူတိုင်းဟာ ကိုယ်နည်းကိုယ့်ဟန်နဲ့ မှန်တယ်လို့ ဆိုလိုတာဖြစ်တယ်။
“လောကမှာ ရာသက်ပန် တည်မြဲတဲ့ အမှန်တရားဆိုတာ မရှိဘူး” လို့ဟောတဲ့ ဒဿနဆရာတွေကို ဆော့ခရေးတီးက နှစ်မျိုး ဝေဖန်တယ်။ ဝေဖန်ချက်တစ်ခုက ဒီလိုပါ။
လောကမှာ ရာသက်ပန်တည်မြဲတဲ့ အမှန်တရားဆိုတာ မရှိဘူးလို့ ယုံကြည်တဲ့ ဒဿနဆရာ အချို့က ချမ်းသာတဲ့ လူငယ်တွေကို အခကြေးငွေနဲ့ စာသင်ပေးတဲ့ အလုပ်လုပ်လေ့ ရှိတယ်။ အခုခေတ် ကျူရှင်ဆရာတွေလိုပေါ့၊ အဲဒီ ဒဿနဆရာတွေက ခေတ်မီတဲ့ ဘာသာရပ်မျီုးစုံကို သင်ပေးတာပါ။ ပြီးတော့ သူတို့က “လူတိုင်းဟာ ကိုယ့်နည်းကိုယ့်ဟန်နဲ့ မှန်တယ်” လို့ဆိုတော့ ဆော့ခရေးတီးက “လူတိုင်းဟာ ကိုယ့်နည်းကိုယ့်ဟန်နဲ့ မှန်တယ်ဆိုရင် ခင်ဗျားတို့ စာသင်ဆရာတွေက ဘာကိုသင်ပေးဖို့ လိုသေးလဲ” လို့ပြန်မေးတယ်။ ဟုတ်တယ်လေ။ ၁+၂ က ၆ ရတယ်လို့ ကျောင်းသားက ထင်ရင် သူတို့ကို မှန်ခွင့် ပေးရမှာပေါ့။ ဒါဆိုရင် ဒီဆရာတွေက ကျောင်းသားတွေကို သင်ပေးစရာ မရှိဘူးဆိုတော့ ဒီဒဿနဆရာတွေက အပြောနဲ့ အလုပ် မညီဘူးလို့ အဓိပ္ပါယ် ပေါ်တာပေါ့။
ဆိုကရေးတီးရဲ့ ဒုတိယဝေဖန်ချက်ကို ပုံပြင်တစ်ခုနဲ့ ပထမ စရအောင်။
တစ်ခါမှာ ဒဿနဆရာတစ်ယောက် အသက်ကုန်ပြီး ကောင်းကင်အတက် လမ်းမှာ နတ်ဘုရားတစ်ပါးနဲ့ တွေ့တယ်။ ဒါနဲ့ အဲဒီနတ်ဘုရားက “ဟေ့ လူသား၊ ဒီကိုလာပါဦး၊ ငါက မင်းရဲ့ ကံကြမ္မာကို အဆုံးအဖြတ်ပေးမယ့် နတ်ကွ၊ နတ်ဘုရားတွေထဲမှာ ငါက သြဇာအကြီးဆုံးပဲ။ စကြ၀ဠာထဲက အရာရာတိုင်းကို ငါက ဖန်တီးတာမို့ ငါ့ကို အားလုံးက စူပါနတ်ဘုရားလို့ ခေါ်ကြတယ်။ မင်း ကြားဖူးတယ် မဟုတ်လား” လို့ မေးတယ်။
ဒဿနဆရာ- “ကြားဖူးပါတယ်။ ဒါပေမယ့် ဘယ်အရာကိုမဆို လုပ်နိုင်တယ် ဆိုတာကိုတော့ မယုံနိုင်ဘူး” လို့ ပြန်ဖြေတော့ စူပါနတ်ဘုရားက ဘာလုပ်ပြရင် ယုံမလဲ မေးတယ်။ ဒဿနဆရာက “ကျောက်တုံး အကြီးကြီးတစ်ခု လုပ်ပြပါလား” လို့ပြောတော့ စူပါနတ်ဘုရားက “ရပါတယ်။ ဘယ်လောက်ကြီးကြီး လုပ်ပြရမလဲ” လို့မေးတော့ သူက ခင်ဗျားတောင် မပင့်နိုင်အောင် ကြီးတဲ့ ကျောက်တုံးကို ဖန်တီးပြပါ” လို့ဆိုတယ်။ ဒါနဲ့ စူပါနတ်ဘုရားက စကြ၀ဠာတစ်ခုလုံးထဲမှာ အကြီးမားဆုံး ကျောက်တုံးတစ်ခုကို ဖန်တီးလိုက်တယ်။ ပြီးတော့ စူပါနတ်ဘုရားက ဒဿနဆရာကို မေးတယ်။ “ကဲ ဘယ်အရာမဆို ငါလုပ်နိုင်တယ်ဆိုတာကို ယုံပြီလားကွ”။ ဒဿနဆရာက“မယုံနိုင်ပါဘူး၊ ယုံစေချင်ရင် အဲဒီကျောက်တုံးကို ပင့်ပြပါလား”လို့ ပြောတော့ စူပါနတ်ဘုရားက သူတောင် မပင့်နိုင်အောင်ကြီးတဲ့ ကျောက်တုံးကို ဖန်တီးထားတာမို့ မပင့်နိုင်ဘူး ဖြစ်နေလေရော။ ဒဿနဆရာကပြောတယ် “ကဲ တွေ့ပြီလား၊ စူပါနတ်ဘုရားတောင် မလုပ်နိုင်တာတွေ ရှိတယ်၊ ဒါကြောင့် စူပါနတ်ဘုရားက အရာရာကို လုပ်နိုင်တယ်ဆိုတာ မမှန်ဘူး”။
စူပါနတ်ဘုရားက “ဒါ မင်း သက်သက် ညစ်တာပဲ၊ ငါ့ကို ပြန်မေးကွာ” လို့ ပြန်ပြောတော့ ဒဿနဆရာက ကျောက်တုံး အကြီးကြီး တစ်ခုကို လုပ်ပြဖို့ ပြန်ပြောတယ်။ စူပါနတ်ဘုရားက သူ့ကို ပင့်ခိုင်းမှာ သိတော့ သူပင့်နိုင်တဲ့ အရွယ် ကျောက်တုံးတစ်ခုကို ဖန်တီးပြတယ်။ ပြီးတော့ စူပါနတ်ဘုရားက မေးပြန်တယ်။ “ကဲ ငါ အခု ဒီကျောက်တုံးးကို ပင့်ပြရမလား”။ ဒဿနဆရာက “မပင့်ပြပါနဲ့ ဒီထက်ကြီးတဲ့ ကျောက်တုံးးကို ဖန်တီးပြပါလို့ တောင်းဆိုတယ်။ ဒီထက်ကြီးတဲ့ ကျောက်တုံး ကို စူပါနတ်ဘုရားက မပင့်နိုင်မှာမို့ “မလုပ်နိုင်ဘူး” လို့ဆိုတယ်။ ဒဿနဆရာက ပြောတယ်။ “ကဲ တွေ့ပြီလား စူပါနတ်ဘုရားတောင် မလုပ်နိုင်တာတွေရှိတယ်။ ဒါကြောင့် စူပါနတ်ဘုရားက အရာရာကို လုပ်နိုင်တယ်ဆိုတာ မမှန်ဘူး”။
ပြောချင်တာက စူပါနတ်ဘုရားက အရာရာကို လုပ်နိုင်တယ်လို့ ပြောရင် “သူတောင် မပင့်နိုင်တဲ့ ကျောက်တုန်းကို သူဖန်တီးနိုင်မလား” လို့ မေးရတယ်။ သူက ကျောက်တုံးကို ဖန်တီးနိုင်ရင် အဲဒီကျောက်တုန်းကို သူမပင့်နိုင်ဘူး။ သူက ပင့်နိုင်ရင် ဒီထက်ကြီးတဲ့ ကျောက်တုံးကို သူမဖန်တီးနိုင်ဘူး။ ဘယ်နည်းနဲ့ပဲ ကြည့်ကြည့် စူပါနတ်ဘုရားက အရာရာကို လုပ်နိုင်တယ်ဆိုတာ မဖြစ်နိုင်ဘူး။
ဒီပုံပြင်နဲ့ “လောကမှာ ရာသက်ပန်တည်မြဲတဲ့ အမှန်တရားဆိုတာ မရှိဘူး”လို့ဆိုတဲ့ အယူအဆနဲ့ ဘယ်လို ပတ်သက်သလဲဆိုရင်၊ အဲဒီစကားကရော ရာသက်ပန် တည်မြဲတဲ့ အမှန်တရား ဖြစ်နိုင်ပါ့မလား။ လောကမှာ ရာသက်ပန် တည်မြဲတဲ့ အမှန်တရား မရှိဘူးဆိုရင် အဲဒီ စကားဟာလည်း ရာသက်ပန် တည်မြဲတဲ့ အမှန်တရား မဖြစ်နိုင်ဘူး။ ရာသက်ပန် တည်မြဲတဲ့ အမှန်တရား ရှိတယ် ဆိုရင်လည်း “လောကမှာ ရာသက်ပန် တည်မြဲတဲ့ အမှန်တရား မရှိဘူး” ဆိုတဲ့ စကားဟာ မမှန်နိုင်ဘူး။
…အဲ အတွေးအခေါ်ကတော့ ချာချာကို လည်နေတော့ တာပဲ။ အမှန်တရားဆိုတာက မရှိလို့လည်း မဖြစ်ဘူးဗျ။ အမှန်တရားဆိုတာ မရှိရင် တရားမျှတမှုဆိုတာ မရှိနိုင်ဘူး၊ တရားမျှတမှုဆိုတာ မရှိရင် လူ့ဘောင်ဆိုတာလည်း ဘယ်ဖြစ်လာနိုင်မလဲနော။ အဲဒီ အမှန်တရားကို လက်ဆုပ်လက်ကိုင် ပြပါ ဆိုရင်တော့ တော်တော်ကို ခက်သွားပြီပေါ့ဗျာ။ ဒဿနဆရာတွေကိုက အလုပ်မရှိ အလုပ်ရှာပြီး လျောက်ပြောကြတော့ ကျွန်တော်တို့လည်း နားယောင်ပြီး တန်ဖိုးရှိတယ်ဆိုတဲ့ အချိန်တွေ တစ်ချို့တစ်ဝက် ကုန်သွားတာပေါ့ဗျာ။
Popularity: 6%
လွတ်ကျသွားသော နေ့စွဲများအကြောင်း
Sunday, August 2nd, 2009
ဒီပို့စ်ကို ဖတ်ခြင်းဖြင့် တစ်ခုခုကို သင်မျှော်လင့်ခဲ့လျင် သင်၏ မျှော်လင့်ချက်သည် မှားယွင်းမှုတစ်ခုသာဖြစ်ကြောင်း ကြိုတင်၍ အသိပေးပါသည်။
ကျွန်တော်က ဆရာဇော်ဇော်အောင် ပြောသည့် အက်ဆေးဝါဒဖြင့် စာတစ်ပုဒ်စမ်းသပ်ရေးကြည့်ရန် ကျိုးစားကြည့်နေသည်ဟု ပြောပါမည်။
အစ = နေသားတကျဖြစ်နေသော အဆင်မပြေမှုတစ်ချို့ကို ခဏမေ့ထား၍ တဒင်္ဂပျော်ရွှင်မှုကို ရှာဖွေတတ်သည်မှာ လူသား၏ သဘာဝတစ်ခုပင်ဖြစ်သည်ဟု ကျွန်တော်ပြောသောအခါ ကောင်မလေးများအတွက် အပျော်ဖတ်ဝတ္ထုတစ်ပုဒ်လောက်ပင် ဆွဲဆောင်မှုရှိမည်မဟုတ်ပါ။ (လောင်းလိုက လောင်းနိုင်ပါသည်)
အလယ်= ထိုရက်များအတွင်း သင်သည် မိုက်ကယ်ဂျက်ဆင်ကွယ်လွန်တဲ့ အကြောင်း အရေးကြီးဟန်ဆောင်၍ ပြောချင်ပြောနေမည်။ မာရီယာကာရေး၊ လင်ဆေးလိုဟန်၊ ဂျနှီဖာလိုပက်တို့လည်း ပါချင်ပါလိမ့်မည်။ သေချာသည်ကတော့ သင်ဟာ လူငယ်တစ်ယောက်ဖြစ်ခဲ့လျင် လောလောဆယ် လူကြိုက်များနေသော မိုးယုစံ အကြောင်းလည်း တစ်ခါတစ်ရံ တွေးမိကောင်းတွေးမိပါလိမ့်မည်။ လူသည် ပြဿနာမကင်းကောင်းဟူ၍ မည်သည့်စာအုပ်တွင်မှ မဖတ်ဖူးပါ၊ သို့သော် အလားတူအဓိပ္ပါယ်ရှိသော စာပိုဒ်မျိုးကိုကား ဖတ်ဖူးသလား မမှတ်မိတော့ပါ။ ကျွန်တော့်အတွေးထဲသို့ ဤစာရေးနေစဉ်အတွင်း ၀င်ရောက်လာသော အတွေးတစ်ခုကို ကိုယ့်ဘာသာ ထောက်ခံမဲပေးလိုက်သည်။ ဘ၀တွင် မည်သည့်အရာများက အခရာကျသည်ဟု ဆရာကြီးလေသံဖြင့် အော်ပြောနေရုံနှင့် ကျွန်တော်အသံကို ခင်ဗျားကြားလိမ့်မည် မဟုတ်ပါ။ သင်၏ခေါင်းထဲတွင် သင့်ကိုယ်ပိုင်သတ်မှတ်ချက်တစ်ခုကို ပတ်ဝန်းကျင်၏ အကူအညီဖြင့် ပုံသေရိုက်နှိပ်ထားပြီးသား ဖြစ်သည်။ သင်သတ်မှတ်ထားသောစံနှင့် သင်ပြုမူနေသောစံ လွဲချော်နေသည့်တိုင် သင်သည် လူသားဆန်စွာ သင့်ကိုယ်သင် ဖြေသိမ့်နိုင်ရန် အကြောင်းပြချက်တစ်ခုကို အဆင့်သင့် ရှာဖွေထားပြီးသား ဖြစ်ကောင်းဖြစ်နေလိမ့်မည်။ သင့်မိတ်ဆွေများနှင့်စကားပြောသည့်အခါ သင်ကြားဖူးနားဝရှိသော အရာများကိုလည်း သင်တကယ်ကြုံတွေ့ခဲ့သလို ခပ်တည်တည်ဖြင့် ဖြီးဖျန်းနိုင်ပါသည်။ ထိုတွင်မက စာအုပ်တစ်ချို့ထဲမှ ရွတ်ဆို၍ကောင်းသော စာပိုဒ်တစ်ချို့ကိုလည်း အလွတ်ကျက်ကာ သင့်ကို အသိဉာဏ်ပြည့်ဝသူအဖြစ် အများက သိရှိစေရန် ရွတ်ပြလိုက ရွတ်ပြနိုင်ပါသေးသည်။ သင်၏စိတ်တွင် လုပ်သင့်သည်နှင့် လုပ်ချင်သည်များက သင့်ရည်ရွယ်ရာကို မှုန်ဝါးအောင် အမြဲတစေ လိုက်လံတွယ်ကပ်နေ ပေလိမ့်မည်။ ဆိုလိုသည်မှာ သင်သည် သင့်လိုအင်ဆန္ဒများ၏ သားကောင်ပင်ဖြစ်သည်။ သင်၏အတွေးအခေါ်သည် သင်၏မှန်ကန်မှု ဖြစ်သည်၊ မည်သူက မည်သို့ပင်ဆိုစေကာ သင်သည် သင်၏ဗီဇကို လွယ်လွယ်နှင့် ကျော်လွားနိုင်မည် မဟုတ်ပေ။ အထူးသဖြင့် ဆန့်ကျင်ဘက် ခံစားမှုများနှင့်ကြုံတွေ့ရသည့်အခါ သင်၏ ပင်ကိုယ်ဗီဇသည် အလွယ်တကူ ပေါ်လာပေလိမ့်မည်။
အဆုံး= လူသည် မျှော်လင့်ချက်ဖြင့် အသက်ရှင်သည်ဆိုသော စကားအတိုင်း သင်သည်လည်း တစ်နေ့နေ့ တစ်ချိန်ချိန်ကို ဘာမှန်းမသိပဲ မျှော်လင့်နေပါလိမ့်မည်။ အခြေအနေကိုလိုက်၍ သင်၏မျှော်လင့်ချက်သည် အမျိုးမျိုး ပြောင်းလဲနေမည်ဖြစ်သည်။ ပျက်ပြယ်သွားသော မျှော်လင့်ခြင်းများ၏ လစ်လပ်သွားသောနေရာတွင် အသစ်အသစ်သော မျှော်လင့်ချက်များက သင်မဖိတ်ခေါ်သော်လည်း အလိုအလျောက် ၀င်ရောက်လာပါ လိမ့်မည်။
ကျွန်တော်ပြောချင်သော စကားများသည် အထက်ဖေါ်ပြပါ စကားများ မဟုတ်ကြောင်းကို မည်သည့်အရာနှင့် သက်သေပြဖို့ လိုအပ်ပါသလဲ၊ လောလောဆယ် အတောင့်တဆုံးသော အရာမှာ အေးစုမွန်၏ အနမ်းဖြစ်ကြောင်းကိုတော့ ဘာနှင့်မျှ သက်သေပြ၍ ရမည်မထင်ပေ။ ဤသို့ဖြင့် နေသည် အရှေ့ဟုအမည်ပေးထားသော အရပ်မှ အနောက်ဟုအမည်ရသော အရပ်သို့ သွားခြင်းအလုပ်ကို မည်သူမျှမခိုင်းသော်လည်း သူ့ဘာသာ မပျင်းမရိ လုပ်နေမည် ဖြစ်သည်။ ထုံးစံအတိုင်း ရွက်ဟောင်းများ၏ နေရာတွင် ရွက်သစ်တစ်ချို့က အလိုအလျောက် ၀င်ရောက်ဖြည့်ဆည်းပေးပါလိမ့်မည်။ အချိန်ကာလတစ်ချို့ကိုတော့ သည်းခံစောင့်ဆိုင်းဖို့လိုမည်။ ပြောစရာများ ပြောချင်သည်များ အများအပြား ကျန်နေသေးသော်လည်း ဆက်ရေးရမှာ ပျင်းရိလာသောကြောင့်လည်းကောင်း၊ ကျွန်တော်လို ငမွားတစ်ကောင်၏ စာကို မည်သူမျှ အရေးတယူ ဖတ်မည်မဟုတ်သောကြောင့်လည်းကောင်း ဤမျှဖြင့်ရပ်နားလိုက်ရပါသည်။ ခေါင်းစဉ်နှင့် စာကိုယ်သည် မည်သို့မျှ မကိုက်ညီပါ၊ ထိုသို့ဖြစ်နေခြင်းသည်ပင် ကျွန်တော်၏ လွဲမှားသော ဘ၀အဓိပ္ပါယ် ဖြစ်ပါသည်။
Popularity: 9%